الخميس، 11 مارس 2010

إليكن أخواتي....مريم

أولا ازيكوا وحشتوني جدا وافتقدتكوا كتيير.
ثانيا أنا مفروض دلوقتي زعلانة منكوا كتيير لأني مش عاجبني ولا حال أي حد فيكوا.
يمكن مش كلكوا يعرف أصل المدونة..ده كان حلم لمنه..أرق فراشة وقررنا نحققه بغض النظر عن العواقب..عارفين ليه؟..عشان كنا عاوزين نضحك ونفرح وسعادتنا تكمل بسعادة اللي حوالينا.
وكنا في قمة السعادة بعد التنفيذ ولما انضم لينا باقي الجروب واتواعدنا على البسمة.
لكن النهاردة لما أدخل وألاقي كل حد في جنب وشايل هم "التقصير" وعاوز ينسحب حسيت اننا كنا بنرسم على الهوا ومفيش أي واقع.
من أول لحظة قلت إن الوضع مش مناسب للكتابة في الدراسة وإن هيكون الحال نايم لحد الاجازة وحتى في الاجازة مش لازم شغل يومي وإلا نبئى بنخدع نفسنا..
أنا عن نفسي عدوا مشاركاتي وهتلاقوني تقريبا أقلكوا وكمان بدخل كل فترة طويلة.هل ده معناه أرحل وأسيب اللي حواليه مع نفسهم..لو مدونتي لوحدي يمكن وسبق وعملتها.لكن طالما أنا حبه في سلسلة فمش من حقي أخرج وأحكم على الجميع بالفشل..
أخواتي وبناتي(يلا زي بعضه *_*)أنا مبحبش الفشل والاستسلام
العمل ده موجود وهيفضل مهما حصل وبكل أعضاؤه حتى لو رفضوا واللي هينسحب هجيب كتابة قديمة ليه وأنزلها زي أي عمل منقول بننزله..إيه رأيكوا بئى..
اتفقنا اللي يحس بضيق ييجي ويشكي وهيلاقينا جنبه لكن مش يقفل بابه ويختفي.
أنا هستمر وهكمل عادي حتى لو بئيت لوحدي هنا لكن الفشل أبدا مش هستسلمله.
سايبالكوا حرية الاختيار وأنا واثقة في قراراتكوا..
خالص تحيتي :
مريم *_*

ليست هناك تعليقات:

إرسال تعليق